தற்சார்பே வளர்ந்த இந்தியாவுக்கு வழிவகுக்கும்

தற்சார்புதான் வளர்ச்சியடைந்த இந்தியாவுக்கு வழிவகுக்கும் என்று பிரதமர் நரேந்திர மோடி தெரிவித்தார்.

- 

புது தில்லி, ஆக. 31: எதிர்வரும் விழாக் காலங்களில் உள்நாட்டுப் பொருள்களை பெருமையுடன் வாங்க வேண்டும்; நம் வாழ்க்கைக்குத் தேவையான அனைத்தும் உள்நாட்டுத் தயாரிப்புகளாக இருக்க வேண்டும் என்றும் அவர் அழைப்பு விடுத்தார். இந்தியப் பொருள்கள் மீது அமெரிக்கா 50 சதவீத வரி விதித்துள்ள நிலையில், மனதின் குரல் நிகழ்ச்சியில் தற்சார்பின் அவசியத்தை பிரதமர் மீண்டும் வலியுறுத்தியுள்ளார்.

ஒவ்வொரு மாதமும் கடைசி ஞாயிற்றுக்கிழமையில் மனதின் குரல் (மன் கீ பாத்) வானொலி நிகழ்ச்சி வாயிலாக நாட்டு மக்களுக்கு பிரதமர் உரையாற்றி வருகிறார். அதன்படி, 125-ஆவது மனதின் குரல் நிகழ்ச்சி ஞாயிற்றுக்கிழமை (ஆக.31) ஒலிபரப்பானது.