கோவில்பட்டி அரசு அலுவலகங்கள், கல்வி நிறுவனங்களில்...

கோவில்பட்டி வட்டத்திற்கு உள்பட்ட பள்ளி, கல்லூரி, அரசு அலுவலகங்களில் சுதந்திர தின விழா வெள்ளிக்கிழமை கொண்டாடப்பட்டது.

- 

கோவில்பட்டி, ஆக. 15:

கோவில்பட்டி சட்டப்பேரவை உறுப்பினர் கடம்பூர் செ.ராஜூ கே.சிதம்பராபுரம் இந்து தொடக்கப் பள்ளியில் தேசியக்கொடியை ஏற்றி வைத்து, போட்டிகளில் வெற்றி பெற்ற மாணவர், மாணவிகளுக்கு பரிசு மற்றும் இனிப்புகளை வழங்கினார்.

கோவில்பட்டி சார்பு நீதிமன்றத்தில் சார்பு நீதிமன்ற நீதிபதி மாரிக்காளை தேசியக் கொடியேற்றினார். குற்றவியல் நீதிமன்ற நீதிபதிகள் மணிமேகலா, ஆனந்த், முன்னாள் அரசு வழக்குரைஞர் சந்திரசேகர், வழக்குரைஞர் சங்கத் தலைவர் சங்கர்கணேஷ் உள்ளிட்டோர் பங்கேற்றனர்.