குமரியில் படகு சேவைக்கு இணையவழி பயணச்சீட்டு அறிமுகம்

கன்னியாகுமரி, ஆக. 8: கன்னியாகுமரி பூம்புகார் கப்பல் போக்குவரத்துக்கழக படகு சேவையின் இணையவழி பயணச்சீட்டு முறையை தமிழக பால்வளத் துறை அமைச்சர் மனோ தங்கராஜ் வெள்ளிக்கிழமை தொடங்கி வைத்தார்.

- 

மாவட்ட ஆட்சியர் ஆர்.அழகுமீனா தலைமையில் நடைபெற்ற இந்நிகழ்ச்சியில், அமைச்சர் பேசியதாவது:

கன்னியாகுமரியில் விவேகானந்தர் பாறை, திருவள்ளுவர் சிலையை பார்வையிட படகு சேவைக்கான பயணச்சீட்டு வாங்குவதற்கு வெயிலில் சுற்றுலாப் பயணிகள் நீண்ட வரிசையில் காத்திருக்கும் நிலையைக் கருதி, பூம்புகார் கப்பல் போக்குவரத்து கழக வளாகத்தில் ரூ.9 லட்சத்தில் நிழற்கூரை அமைக்கும் பணிகள் நடைபெற்று வருகின்றன.