கடல் அரிப்பு: புத்தன்துறையில் ஆட்சியர் ஆய்வு

கன்னியாகுமரி மாவட்டம், ராஜாக்கமங்கலம் அருகே புத்தன்துறையில் கடல் அரிப்பினால் சேதமடைந்த பகுதிகளை மாவட்ட ஆட்சியர் ரா.அழகுமீனா வியாழக்கிழமை ஆய்வு மேற்கொண்டார்.

- 

நாகர்கோவில், ஜூலை 24: கன்னியாகுமரி மாவட்டம், ராஜாக்கமங்கலம் அருகே புத்தன்துறையில் கடல் அரிப்பினால் சேதமடைந்த பகுதிகளை மாவட்ட ஆட்சியர் ரா.அழகுமீனா வியாழக்கிழமை ஆய்வு மேற்கொண்டார்.

இதைத் தொடர்ந்து ஆட்சியர் கூறியதாவது: கடல் சீற்றத்தின் காரணமாக, புத்தன்துறையில் கரையை ஒட்டியுள்ள பகுதிகளில் புதன்கிழமை (ஜூலை 23) மணல் அரிப்பு ஏற்பட்டு, 12 வீடுகள் சேதம் அடைந்தன. தென்னை மரங்களும் சாய்ந்துள்ளன. கடல் அரிப்பை தடுக்க உடனடியாக பணிகள் மேற்கொள்ள, துறை சார்ந்த அலுவலர்களுக்கு அறிவுறுத்தப்பட்டுள்ளது.