எளிதான இலக்கை நோக்கி இந்தியா

இந்தியாவுக்கு எதிரான 3-ஆவது டெஸ்ட்டில் இங்கிலாந்து 2-ஆவது இன்னிங்ஸில் 192 ரன்களுக்கு ஆட்டமிழந்தது. இந்தியா, 193 ரன்கள் என்ற எளிதான வெற்றி இலக்கை நோக்கி விளையாடி வருகிறது.

- 

லண்டன், ஜூலை 13:

இங்கிலாந்து இன்னிங்ஸில் இதர பேட்டர்கள் சோபிக்காத நிலையில், ஜோ ரூட், கேப்டன் பென் ஸ்டோக்ஸ் மட்டும் போராடி ரன்கள் சேர்த்தனர். ரூட், ஸ்டோக்ஸ், ஜேமி ஸ்மித் ஆகிய முக்கியமான வீரர்கள் உள்பட 4 பேரின் விக்கெட்டை சாய்த்த வாஷிங்டன் சுந்தர், இங்கிலாந்தை 200 ரன்களுக்குள்ளாக கட்டுப்படுத்த உதவினார்.

லார்ட்ஸ் மைதானத்தில் நடைபெறும் இந்த டெஸ்ட்டில், இந்தியா- இங்கிலாந்து என இரு அணிகளுமே முதல் இன்னிங்ஸில் ஒரே ஸ்கோரை (387) பதிவு செய்தன. இதனால், 2-ஆவது இன்னிங்ஸானது, சமநிலையுடனேயே தொடங்கியது.