இன்று பொது வேலைநிறுத்தம்: பணிக்கு வராவிட்டால் ஊதியம் கிடையாது

பொது வேலைநிறுத்தத்தையொட்டி, புதன்கிழமை (ஜூலை 9) பணிக்கு வராமல் இருக்கும் அரசு ஊழியர்களுக்கு ஊதியம் கிடையாது என்று தலைமைச் செயலர் நா.முருகானந்தம் எச்சரித்தார்.

- 

சென்னை, ஜூலை 8:

இதுகுறித்து அரசுத் துறைகளின் செயலர்கள், தலைவர்கள், மாவட்ட ஆட்சியர்கள் உள்ளிட்டோருக்கு அவர் செவ்வாய்க்கிழமை அனுப்பியுள்ள கடிதம்:

பல்வேறு கோரிக்கைகளை முன்வைத்து, அங்கீகரிக்கப்பட்ட மற்றும் அங்கீகரிக்கப்படாத சங்கங்கள் சார்பில் நாடு முழுவதும் ஒரு நாள் பொது வேலைநிறுத்தத்துக்கு அழைப்பு விடுக்கப்பட்டுள்ளது. தமிழ்நாடு அரசைப் பொருத்தவரை இந்த விஷயத்தில் கடந்தகால அறிவுறுத்தல்களைச் சுட்டிக்காட்ட விரும்புகிறேன்.

வேலைநிறுத்தம் அல்லது வேலைநிறுத்தம் செய்வதாக அச்சுறுத்துவது அல்லது வேலைநிறுத்தத்தில் பங்கேற்பது போன்றவை அரசு அலுவலகங்களின் வழக்கமான செயல்பாடுகளில் பாதிப்புகளை ஏற்படுத்தும். மேலும், தமிழ்நாடு அரசு ஊழியர்களுக்கான நன்னடத்தை விதிகளை மீறும் செயலாகும்.