மனிதகுலத்துக்கு பயங்கரவாதம் பெரும் சவால்

பிரிக்ஸ் மாநாட்டில் பிரதமர் மோடி

- 

ரியோ டி ஜெனீரோ, ஜூலை 6: மனிதகுலத்துக்கு பயங்கரவாதம் பெரும் சவாலாக மாறி வருகிறது என்று பிரிக்ஸ் மாநாட்டில் பிரதமர் மோடி கூறினார்.

பயங்கரவாதத்தால் பாதிக்கப்பட்டவர்களையும், பயங்கரவாதத்தை ஆதரிப்பவர்களையும் ஒரே மாதிரியாக பார்க்கக் கூடாது என்றும் அவர் மாநாட்டில் வலியுறுத்தினார்.

பாகிஸ்தான் பயங்கரவாத தாக்குதலைத் தொடர்ந்து இந்தியா பாகிஸ்தான் இடையே ஏற்பட்ட சண்டைக்கு பிறகு நடைபெறும் பிரிக்ஸ் மாநாட்டில் அவர் இவ்வாறு குறிப்பிட்டுள்ளார்.

பயங்கரவாதத்தைக்கண்டிப்பது கண்துடைப்பாக மட்டுமல்லாமல் கொள்கையாக இருக்க வேண்டும் என்றும் பயங்கரவாதிகளுக்கு எதிராக கடுமையான தடைகளை உலக நாடுகள் விதிக்க வேண்டும் என்றும் பிரதமர் மோடி வலியுறுத்தினார்.

மேலும், காஸாவில் நிலவும் மனிதாபிமான நிலை பெரும் கவலை அளிப்பதாகவும் அவர் குறிப்பிட்டார்.