அடுத்த தலாய் லாமா தேர்ந்தெடுக்கப்படுவார்

'தலாய் லாமா மரபு என்னுடைய மறைவுக்குப் பிறகும் தொடரும். அடுத்த தலாய் லாமாவை காடேன் போட்ராங் அறக்கட்டளை தேர்வு செய்யும்' என்று 14-ஆவது தலாய் லாமா புதன்கிழமை கூறினார்.

- 

தர்மசாலா, ஜூலை 2:

திபெத்திய பௌத்த மதத்தின் தலைவராகக் கருதப்படும் தலாய் லாமா வரும் ஞாயிற்றுக்கிழமை தனது 90-ஆவது பிறந்தநாளைக் கொண்டாடவிருக்கிறார். இதை யொட்டி, தர்மசாலாவில் கடந்த திங்கள்கிழமை முதல் சிறப்புப் பிரார்த்தனைகள் நடைபெற்று வருகின்றன.

கடந்த 2011-ஆம் ஆண்டில், திபெத்திய ஆன்மிகத் தலைவர்களுடனான சந்திப்பில் தலாய் லாமா பேசுகையில், 'எனக்கு 90 வயதாகும் போது, தலாய் லாமா மரபு தொடர வேண்டுமா, வேண்டாமா என்பது மக்களுடன் கலந்தாலோசித்து முடிவு செய்யப்படும்' எனக் கூறியிருந்தார். இதனால், அவரது வாரிசாக 15-வது தலாய் லாமா நியமிக்கப்பட்டு, இந்த மரபுவழி அமைப்புத் தொடருமா என்ற கேள்வி எழுந்தது.