உலகின் தலைசிறந்த பல்கலைக்கழகங்கள்: தில்லி, சென்னை ஐஐடி-க்கள் முன்னேற்றம்!

உலக அளவில் தலைசிறந்த பல்கலைக்கழகங்கள் பட்டியலில் தில்லி, மும்பை மற்றும் சென்னை ஐஐடிக்கள் முதல் 200 இடங்களில் இடம்பெற்றுள்ளன. சென்னை ஐஐடி கடந்த ஆண்டின் 227-ஆவது இடத்திலிருந்து 180-ஆவது இடத்துக்கு முன்னேறி, அசத்தியுள்ளது.

- 

புது தில்லி, ஜூன் 19:

உலகம் முழுவதும் உள்ள பல்கலைக்கழகங்கள் மற்றும் உயர்கல்வி நிறுவனங்களை லண்டனைச் சேர்ந்த குவாகரெல்லி சைமண்ட்ஸ் நிறுவனம் ஆய்வு செய்து, க்யூ.எஸ். உலக பல்கலை தரவரிசைப் பட்டியலை ஆண்டுதோறும் வெளியிட்டு வருகிறது.

ஆராய்ச்சிக் கட்டுரைகள் வெளியீடு, புதிய கண்டுபிடிப்புகளுக்கான முயற்சிகளை ஊக்குவித்தல், ஆசிரியர்-மாணவர் விகிதாசாரம், சர்வதேச மாணவர் பலம், மாணவர்களுக்கான வேலைவாய்ப்பு உள்ளிட்ட பல்வேறு காரணிகளை அடிப்படையாகக் கொண்ட 2026-ஆம் ஆண்டுக்கான தரவரிசைப் பட்டியல் வியாழக்கிழமை வெளியிடப்பட்டது.