மதுரையில் பாஜக நிர்வாகிகளுடன் அமித் ஷா இன்று ஆலோசனை

மதுரையில் ஞாயிற்றுக்கிழமை (ஜூன் 8) நடைபெறும் பாஜக நிர்வாகிகளுடான ஆலோசனைக் கூட்டத்தில் மத்திய உள்துறை அமைச்சர் அமித் ஷா பங்கேற்று சிறப்புரையாற்றுகிறார்.

- 

மதுரை, ஜூன் 7:

தமிழகத்தில் அடுத்தாண்டு நடைபெற உள்ள சட்டப்பேரவைத் தேர்தலையொட்டி, பாஜக-அதிமுக கூட்டணி உருவாகியுள்ளது. இந்தக் கூட்டணி குறித்து பாஜக நிர்வாகிகளிடம் புரிதலை ஏற்படுத்தி, தேர்தல் வியூகம் வகுக்கும் நோக்கில், அந்தக் கட்சி நிர்வாகிகளுடனான ஆலோசனைக் கூட்டம் மதுரை ஒத்தக்கடை பகுதியில் உள்ள வேலம்மாள் மைதானத்தில் ஞாயிற்றுக்கிழமை பிற்பகல் 3.30 மணியளவில் நடைபெறுகிறது. இதில் மத்திய உள்துறை அமைச்சர் அமித் ஷா சிறப்பு அழைப்பாளராகப் பங்கேற்று பேசுகிறார். முன்னதாக, காலை 11 மணிக்கு மீனாட்சி சுந்தரேசுவரர் கோயிலில் அவர் சுவாமி தரிசனம் செய்கிறார்.