மாப்பிள்ளையூரணி பகுதியில் சீரான குடிநீர் விநியோகம் கோரி மனு

தூத்துக்குடி மாப்பிள்ளையூரணி அருகே ஜாகீர் உசேன் நகரில் சீரான குடிநீர் விநியோகிக்கக் கோரி அப்பகுதியினர், ஆட்சியர் அலுவலகத்தில் திங்கள்கிழமை நடைபெற்ற மக்கள் குறைதீர் கூட்டத்தில் மனு அளித்தனர்.

- 

தூத்துக்குடி, ஜூன் 2:

குறைதீர் கூட்டத்துக்கு ஆட்சியர் க. இளம்பகவத் தலைமை வகித்து, மனுக்களைப் பெற்றுக்கொண்டு குறைகளைக் கேட்டறிந்தார்.

ஜாகீர் உசேன் நகர் பொதுமக்கள் அளித்த மனு: இப்பகுதியில் 250-க்கும் மேற்பட்ட குடும்பத்தினர் வசித்து வருகிறோம். எங்கள் பகுதியில் உள்ள குழாய்களில் சில ஆண்டுகளாகவே குடிநீர் சரியாக வருவதில்லை. 3 நாள்களுக்கு ஒரு முறை 4 குடம் தண்ணீர் மட்டும் வருகிறது. இதனால் மிகுந்த அவதிப்படுகிறோம். இது தொடர்பாக 15 நாள்களுக்கு முன்னர் ஆட்சியர் அலுவலகத்தில் மனு அளித்தோம். ஆனால், இதுவரை நடவடிக்கை இல்லை. எனவே, எங்களுக்கு சீரான குடிநீர் கிடைக்க நடவடிக்கை எடுக்க வேண்டும் என்றனர்.