தமிழகத்தில் நிதி நெருக்கடியை உருவாக்க முயற்சி

மத்திய அரசு மீது அமைச்சர் குற்றச்சாட்டு

- 

திருச்செந்தூர் ஆறுமுகனேரி, மார்ச் 23: திமுக அரசின் நலத்திட்டங்களை சகிக்க முடியாமல் தமிழகத்தில் நிதி நெருக்கடியை உருவாக்க மத்திய அரசு முயற்சித்து வருகிறது என்றார் மீன்வளம், மீனவர் நலன்-கால்நடை பராமரிப்புத் துறை அமைச்சர் அனிதா ஆர். ராதாகிருஷ்ணன்.

தூத்துக்குடி தெற்கு மாவட்ட திமுக இளைஞரணி சார்பில், மத்திய அரசை கண்டித்து ஆத்தூரில் பொதுக்கூட்டம் சனிக்கிழமை நடைபெற்றது. மாவட்ட இளைஞரணி அமைப்பாளர் ராமஜெயம் தலைமை வகித்தார். ஆழ்வார் திருநகரி மத்திய ஒன்றியச் செயலர் நவீன் குமார், மாவட்ட இளைஞரணி துணை அமைப்பாளர்கள் சுதாகர், மிக்கேல் அருள் ஸ்டாலின், குமார் பாண்டியன், மாவட்ட விளையாட்டு மேம்பாட்டு அணி அமைப்பாளர் ஜனகர், ஆத்தூர் பேரூராட்சி தலைவர் கமால்தீன், முன்னாள் நகரச் செயலர் முருகப்பெருமாள் ஆகியோர் முன்னிலை வகித்தனர்.