உக்ரைனுக்கு அமெரிக்காவின் உளவுத் தகவல் உதவி நிறுத்தம்

ரஷியாவுடன் ஆன போரில் உக்ரைனுக்கு உளவுத் தகவல்கள் மூலம் அளித்து வந்த உதவியை அமெரிக்கா நிறுத்தி வைத்துள்ளது.

- 

வாஷிங்டன், மார்ச் 5:

இது குறித்து அந்த நாட்டு சர்வதேச உளவு அமைப்பான சிஐஏ-வின் இயக்குநர் ஜான் ராட்கிளிஃப் தெரிவித்துள்ளதாவது: உக்ரைனுடன் ராணுவ உளவுத் தகவல்களைப் பரிமாறிக் கொள்வதை நிறுத்திவைக்குமாறு அதிபர் டொனால்ட் டிரம்ப் உத்தரவிட்டுள்ளார்.

நான் ஏற்கெனவே கூறியுள்ளபடி, அவர் அமைதிக்கான அதிபர். அவரின் தலைமையில் ஒருபோதும் போர் நடைபெற்றதில்லை. எனவே, இப்போது நடைபெறும் போர்களை முடிவுக்குக் கொண்டுவர அவர் விரும்புகிறார்.