குமரி, தூத்துக்குடி மாவட்டங்களில் பலத்த மழை

அதிகபட்சமாக ஸ்ரீவைகுண்டத்தில் 110 மி.மீ.

- 

தூத்துக்குடி/நாகர்கோவில்/தக்கலை/ஆறுமுகனேரி, மார்ச் 2: தூத்துக்குடி, கன்னியாகுமரி மாவட்டங்களில் ஞாயிற்றுக்கிழமை பலத்த மழை பெய்தது. அதிகபட்சமாக ஸ்ரீவைகுண்டத்தில் 110 மி.மீ. மழை பதிவானது.

தூத்துக்குடி மாநகர் பகுதிகளில் ஞாயிற்றுக்கிழமை அதிகாலை முதல் பலத்த மழை பெய்தது. இதனால், டூவிபுரம், முத்தம்மாள் காலனி, காந்தி நகர் உள்ளிட்ட குடியிருப்பு பகுதிகளில் மழைநீர் சூழ்ந்தது. பிரதான சாலைகளில் மழைநீர் தேங்கியதால் வாகன ஓட்டிகள் சிரமப்பட்டனர். தூத்துக்குடி அரசு மருத்துவமனை வளாகம், வஉசி கல்லூரி உள்ளிட்ட இடங்களில் மழைநீர் தேங்கியது. அதை அகற்றும் பணியில் மாநகராட்சி ஊழியர்கள் ஈடுபட்டனர்.