சீனாவைச் சேர்ந்த ஆபரேட்டர்களால் சைபர் மோசடி: 8 பேர் கும்பல் கைது

தமிழகப் பெண் புகாரில் நடவடிக்கை

- நமது நிருபர்

தில்லி - என்சிஆர் மற்றும் நாட்டின் பல பகுதிகளில் சீனாவைச் சேர்ந்த ஆபரேட்டர்களால் நடத்தப்பட்ட சைபர் குற்றக் கும்பலுடன் தொடர்புடைய 8 பேரை தில்லி காவல்துறையினர் கைது செய்தனர்.

அத்துடன், ரூ.15 கோடி மதிப்பிலான சந்தேகத்திற்குரிய நிதிப் பரிவர்த்தனைகளையும் போலீஸார் கண்டறிந்தனர்.

தமிழகப் பெண் ஒருவர் அளித்த புகாரைத் தொடர்ந்து போலீஸார் மேற்கொண்ட விசாரணையில் இந்த கைது நடவடிக்கை மேற்கொள்ளப்பட்டுள்ளது.