காவல் துறை மீதான மக்களின் பார்வை மாற்றப்படுவது அவசியம்

பிரதமர் மோடி அறிவுறுத்தல்

- 

தொழில்முறை திறன், உணர்வுகளைப் புரிந்து செயலாற்றுதல், பொறுப்புணர்வை மேம்படுத்துவதன் வாயிலாக காவல் துறை மீதான பொது மக்களின் குறிப்பாக இளைஞர்களின் பார்வையை மாற்ற வேண்டியது அவசர அவசியம் என்று பிரதமர் நரேந்திர மோடி அறிவுறுத்தினார்.

தடை செய்யப்பட்ட அமைப்புகளின் தொடர் கண்காணிப்புக்கு புதிய வழிமுறைகளை நிறுவ வேண்டும் என்றும் அவர் குறிப்பிட்டார்.

சத்தீஸ்கர் மாநிலம், ராய்பூரில் 'வளர்ந்த பாரதம்: பாதுகாப்புப் பரிமாணங்கள்' என்ற கருப்பொருளில் கடந்த மூன்று நாட்களாக நடைபெற்ற அகில இந்திய டிஜிபி-க்கள் மற்றும் ஐஜி-க்கள் மாநாடு, பிரதமர் மோடி உரையுடன் ஞாயிற்றுக்கிழமை நிறைவடைந்தது.