முன்னாள் முதல்வர் கருணாநிதி பிறந்தநாள்

மறைந்த முன்னாள் முதல்வர் கருணாநிதியின் 102 ஆவது பிறந்தநாள் விழா திருச்சி மாவட்டம் முழுவதும் செவ்வாய்க்கிழமை கொண்டாடப்பட்டது.

- 

திருச்சி, ஜூன் 3: மறைந்த முன்னாள் முதல்வர் கருணாநிதியின் 102 ஆவது பிறந்தநாள் விழா திருச்சி மாவட்டம் முழுவதும் செவ்வாய்க்கிழமை கொண்டாடப்பட்டது.

திருச்சி தெற்கு மாவட்ட திமுக சார்பில், டிவிஎஸ் சுங்கச்சாவடி பகுதியில் உள்ள கருணாநிதியின் சிலைக்கு பள்ளிக்கல்வித் துறை அமைச்சரும், மாவட்டச் செயலருமான அன்பில் மகேஸ் பொய்யாமொழி தலைமையில் மாலை அணிவித்து மரியாதை செலுத்தப்பட்டது. நிகழ்வில், மாநகரச் செயலர் மு. மதிவாணன் மற்றும் உள்ளாட்சி பெண் பிரதிநிதிகள் மாவட்டம், மாநகர, ஒன்றிய பகுதி, பேரூர் கழக நிர்வாகிகள், அணிகளின் அமைப்பாளர்கள், உள்ளாட்சி பிரதிநிதிகள் மாலை அணிவித்தனர்.