தலைக்கு மேல் தொங்கும் கத்தி தொகுதி மறுசீரமைப்பு

கேரள முதல்வர் பினராயி விஜயன்

- 

சென்னை, மார்ச் 22: மக்களவைத் தொகுதி மறுசீரமைப்பு விவகாரம் தலைக்கு மேல் தொங்கும் கத்தியைப் போன்றது என கேரள முதல்வர் பினராயி விஜயன் கூறினார்.

இந்த விவகாரத்தில் தென் மாநிலங்கள் இணைந்து போராடும் என தெலங்கானா முதல்வர் ரேவந்த் ரெட்டி, பஞ்சாப் முதல்வர் பகவந்த் மான், கர்நாடக துணை முதல்வர் டி.கே.சிவகுமார் உள்ளிட்டோர் கூறினர்.

தொகுதி மறுசீரமைப்பு தொடர்பாக சென்னையில் முதல்வர் மு.க.ஸ்டாலின் தலைமையில் சனிக்கிழமை நடைபெற்ற கூட்டு நடவடிக்கைக் குழு கூட்டத்தில் பங்கேற்று பேசியபோது இவர்கள் இந்தக் கருத்தைத் தெரிவித்தனர்.

பினராயி விஜயன்: மக்களவைத் தொகுதி மறுசீரமைப்பை எந்த மாநிலத்திடமும் ஆலோசிக்காமல் மத்திய அரசு நிறைவேற்றப் போவதாக பல்வேறு தகவல்கள் வருகின்றன. இது அரசமைப்புக்கு உள்பட்டதோ, ஜனநாயகத்துக்கு உகந்ததோ அல்ல. இந்த விவகாரம் தலைக்கு மேல் தொங்கும் கத்தியைப் போல் உள்ளது.