கபாலி-கற்பகாம்பாள் திருக்கல்யாணம்

‘மயிலையே கயிலை; கயிலையே மயிலை’ என்ற பெருமையுடையது சென்னை மயிலாப்பூர் கபாலீஸ்வரர் கோயிலாகும். இத்தலத்தில் பார்வதிதேவி மயிலாக வடிவெடுத்து, புன்னை மரத்தடியில் லிங்கத்தை நிறுவி பூஜித்து கபாலீஸ்வரர் அருள் பெற்று கற்பகாம்பாளாக விளங்கி, திருக்கல்யாணம் நடைபெற்ற புண்ணியத்தலம்.

- 

முருகன் அம்பிகையிடம் வேல் பெற்றது, ராமர் பூஜித்தது, திருஞானசம்பந்தரால் தேவாரப் பதிகம் பாடப் பெற்றது, அருணகிரிநாதரால் திருப்புகழ் பாடப் பெற்றது, திருஞானசம்பந்தரால் சிவனேசன் செட்டியாரின் மகள் அஸ்தியை உயிர்ப்பித்து பூம்பாவையாக்கியது, அறுபத்து மூவர் விழா உள்ளிட்ட சிறப்புகளையும் கொண்ட தலம் இது.