இந்தியா-நியூசிலாந்து இடையே தடையற்ற வர்த்தக ஒப்பந்தம்

5 ஆண்டுகளில் வர்த்தகத்தை இரட்டிப்பாக்க இலக்கு

- 

இந்தியா-நியூஸிலாந்து இடையே தடையற்ற வர்த்தக ஒப்பந்த (எஃப்டிஏ) பேச்சுவார்த்தை வெற்றிகரமாக நிறைவடைந்ததாக இரு நாட்டு பிரதமர்களும் திங்கள்கிழமை அறிவித்தனர்.

அடுத்த மூன்று மாதங்களில் இந்த ஒப்பந்தத்தில் இரு நாடுகளும் கையொப்பமிட்ட பின்னர் அமலுக்கு வரும் என எதிர்பார்க்கப்படுகிறது.

பிரதமர் நரேந்திர மோடி மற்றும் நியூஸிலாந்து பிரதமர் கிறிஸ்டோபர் லக்ஸான் ஆகிய இருவரும் தொலைபேசியில் கலந்துரையாடிய பின் இந்த அறிவிப்பு வெளியானது.

இந்திய பொருள்கள் மீது 50 சதவீத இறக்குமதி வரியை அமெரிக்கா விதித்துள்ள நிலையில், பல்வேறு நாடுகளுடன் இந்தியா தடையற்ற வர்த்தக ஒப்பந்தத்தை மேற்கொண்டு வருகிறது.

கடந்த மார்ச் 16-ஆம் தேதிமுதல் நியூஸிலாந்துடன் எஃப்டிஏ பேச்சுவார்த்தை நடைபெற்று வந்த நிலையில், திங்கள்கிழமை இறுதியானது.

இதுகுறித்து இந்திய வெளியுறவு அமைச்சகம் வெளியிட்ட செய்திக் குறிப்பில், 'இந்தியா-நியூஸிலாந்து இடையே எஃப்டிஏ பேச்சுவார்த்தை வெற்றிகரமாக நிறைவடைந்ததாக பிரதமர் நரேந்திர மோடி மற்றும் நியூஸிலாந்து பிரதமர் கிறிஸ்டோபர் லக்ஸான் கூட்டாக அறிவித்தனர்.