ஹிந்தி, பிற மொழிகள் இடையே மோதல் இல்லை

அமித் ஷா

- 

காந்திநகர்/புது தில்லி, செப். 14: ஹிந்தி மற்றும் பிற இந்திய மொழிகள் இடையே எந்த மோதலும் இல்லை என்று மத்திய உள்துறை அமைச்சர் அமித் ஷா தெரிவித்தார்.

ஹிந்தி தினத்தையொட்டி, குஜராத் மாநிலம், காந்திநகரில் 5-ஆவது அகில பாரத அலுவல்பூர்வ மொழி மாநாட்டை ஞாயிற்றுக்கிழமை தொடங்கிவைத்து, அவர் பேசியதாவது:

தயானந்த சரஸ்வதி, மகாத்மா காந்தி, கே.எம்.முன்ஷி, சர்தார் வல்லபபாய் படேல் உள்ளிட்ட கற்றறிந்த தலைவர்கள் ஹிந்தியை ஏற்றுக் கொண்டு, அதன் பயன்பாட்டை ஊக்குவித்தனர். குஜராத்தியும், ஹிந்தியும் இணைந்து வளர்வதால், ஒட்டுமொத்த நாட்டுக்கும் குஜராத் சிறந்த எடுத்துக்காட்டாகத் திகழ்கிறது.