ரயில்வே விற்பனையாளர்களுக்கு ஒரே மாதிரியான அடையாள அட்டைகள்

ரயில்களிலும், ரயில் நிலையங்களிலும் சட்டவிரோதமான விற்பனையைத் தடுக்க, அனைத்து விற்பனையாளர்களுக்கும் ஒரே மாதிரியான அடையாள அட்டைகளை வழங்க ரயில்வே அமைச்சகம் உத்தரவிட்டுள்ளது.

- 

புது தில்லி, ஜூலை 19:

பயணிகளுக்குத் தரமான உணவுப் பொருள்கள் கிடைப்பதை உறுதி செய்ய இந்தப் புதிய நடைமுறையை உடனடியாக அமல்படுத்துமாறு அனைத்து ரயில்வே மண்டலங்களுக்கும் அமைச்சகம் அறிவுறுத்தல்களை வழங்கியுள்ளது.

அங்கீகரிக்கப்படாத விற்பனையாளர்கள், கலப்படமான உணவுப் பொருள்களை விற்று பயணிகளின் உடல்நலத்துக்கு ஆபத்தை ஏற்படுத்துவதாக ரயில்வே அதிகாரிகள், பயணிகள் தொடர்ந்து கவலை தெரிவித்து வந்தனர். இதைத் தடுக்கும் நோக்கில் இந்த நடவடிக்கை எடுக்கப்பட்டுள்ளது.