அமலாக்கத் துறையின் கைது அதிகாரம்: மறு ஆய்வு மனு ஜூலை 31-இல் விசாரணை

பண மோசடி தடுப்புச் சட்டத்தின் கீழ் பண மோசடியில் தொடர்புடைய சொத்துகளை முடக்கவும், பறிமுதல் செய்யவும், கைது நடவடிக்கைகளை மேற்கொள்ளவும் அமலாக்கத் துறைக்கு உள்ள அதிகாரத்தை உறுதி செய்து அளித்த தீர்ப்பை மறு ஆய்வு செய்யக் கோரி தாக்கல் செய்யப்பட்ட மனு மீதான விசாரணையை உச்ச நீதிமன்றம் வரும் 31-ஆம் தேதி மேற்கொள்ள உள்ளது.

- 

புது தில்லி, ஜூலை 15:

உச்சநீதிமன்றம் கடந்த 2022-ஆம் ஆண்டில் இந்தத் தீர்ப்பை அளித்தது. பண மோசடி தடுப்புச் சட்டத்தின் பல்வேறு பிரிவுகளின் செல்லத்தக்க தன்மையைக் கேள்வி எழுப்பி 200-க்கும் அதிகமான மனுக்கள் தாக்கல் செய்யப்பட்டன. இந்த சட்டத்தை அமலாக்கத் துறை மூலம் எதிர்க்கட்சிகளுக்கு எதிரான ஆயுதமாக மத்திய அரசு பயன்படுத்துகிறது என புகார் தெரிவிக்கப்பட்டது.