தஞ்சை அருகே சரக்கு வேன் - கார் மோதல்: ஒரே குடும்பத்தைச் சேர்ந்த 4 பேர் உயிரிழப்பு

தஞ்சாவூர் அருகே சரக்கு வேனும், காரும் செவ்வாய்க்கிழமை மோதிக் கொண்ட விபத்தில் ஒரே குடும்பத்தைச் சேர்ந்த 4 பேர் உயிரிழந்தனர்.

- 

தஞ்சாவூர், ஜூலை 8:

சென்னை பெருங்களத்தூர் விஷ்ணு நகரைச் சேர்ந்தவர் உமாபதி மகன் ஸ்டாலின் (36). போரூரில் உள்ள ஐ.டி. நிறுவன ஊழியரான இவர், இவரது மனைவி துர்கா (32), மகள் இதழனி தூரிகா (2), துர்காவின் தந்தை குமார் (57), தாய் ஜெயா (55), தங்கை மோனிஷா (30) ஆகியோர் தஞ்சாவூர் மாவட்டக் கோயில்களில் வழிபட காரில் செவ்வாய்க்கிழமை காலை வந்தனர்.