நெல்லையை வென்றது திருப்பூர்

காலிறுதிக்கு முன்னேறியது செல்ஸி

- 

திண்டுக்கல், ஜூன் 29: டிஎன்பிஎல் கிரிக்கெட்டின் 27-ஆவது ஆட்டத்தில் ஐட்ரீம் திருப்பூர் தமிழன்ஸ் 69 ரன்கள் வித்தியாசத்தில் நெல்லை ராயல் கிங்ஸை ஞாயிற்றுக்கிழமை வீழ்த்தியது.

இரு அணிகளுக்குமே இது 7-ஆவது ஆட்டமாக இருக்க, திருப்பூர் 5-ஆவது வெற்றியையும், நெல்லை 5-ஆவது தோல்வியையும் பதிவு செய்துள்ளன.

இந்த ஆட்டத்தில் முதலில் திருப்பூர் 20 ஓவர்களில் 5 விக்கெட்டுகள் இழப்புக்கு 182 ரன்கள் சேர்க்க, நெல்லை 19.4 ஓவர்களில் 113 ரன்களுக்கே 10 விக்கெட்டுகளையும் பறிகொடுத்தது. திருப்பூர் தரப்பில் பேட்டிங்கில் கேப்டன் சாய் கிஷோரும், பௌலிங்கில் நடராஜனும் சிறப்பாகச் செயல்பட்டனர்.

முன்னதாக டாஸ் வென்ற நெல்லை, பந்துவீச்சை தேர்வு செய்தது. திருப்பூர் பேட்டிங்கில் அமித் சாத்விக் 4 பவுண்டரிகள், 2 சிக்ஸர்கள் உள்பட 41, துஷார் ரஹேஜா 4 பவுண்டரிகளுடன் 32 ரன்கள் அடித்தனர். கேப்டன் சாய் கிஷோர் 8 பவுண்டரிகள், 1 சிக்ஸர் உள்பட 55 ரன்களுக்கு ஆட்டமிழந்தார்.