அமலாக்கத் துறைக்கு உயர்நீதிமன்றம் அடுக்கடுக்கான கேள்விகள்

டாஸ்மாக் முறைகேடு விவகாரத்தில் எந்த அடிப்படையில் திரைப்படத் தயாரிப்பாளர் ஆகாஷ் பாஸ்கரன், தொழிலதிபர் விக்ரம் ரவீந்திரன் ஆகியோரிடம் விசாரிக்க முடிவெடுக்கப்பட்டது என்பது உள்பட அடுக்கடுக்கான கேள்விகளை அமலாக்கத் துறையிடம் சென்னை உயர்நீதிமன்றம் எழுப்பியது.

- 

சென்னை, ஜூன் 13:

டாஸ்மாக்கில் ரூ.1,000 கோடி முறைகேடு நடைபெற்றதாக சோதனையின் அடிப்படையில் அமலாக்கத் துறை தெரிவித்தது. இது தொடர்பாக, திரைப்படத் தயாரிப்பாளர் ஆகாஷ் பாஸ்கரன், தொழிலதிபர் விக்ரம் ரவீந்திரன் ஆகியோரின் வீடுகள் மற்றும் அலுவலகங்களில் அமலாக்கத் துறையினர் சோதனை நடத்தினர். சோதனையின் முடிவில் விக்ரம் ரவீந்திரனின் வீடுகள் மற்றும் அலுவலகத்துக்கு சீல் வைத்தனர்.

இந்நிலையில், அமலாக்கத் துறை நடவடிக்கைக்கு எதிராக ஆகாஷ் பாஸ்கரன், விக்ரம் ரவீந்திரன் ஆகியோர் சென்னை உயர்நீதிமன்றத்தில் மனு தாக்கல் செய்தனர். அதில், அமலாக்கத் துறை நடவடிக்கைக்கு தடை விதிக்க வேண்டும் எனவும், வைக்கப்பட்ட சீலை அகற்ற வேண்டும் எனவும் கோரிக்கை வைத்துள்ளனர்.