குரூப் 1 தேர்வு: திருநங்கை மனுவுக்கு வணிக வரித் துறை செயலர் பதிலளிக்க உத்தரவு

தமிழ்நாடு அரசுப் பணியாளர் தேர்வாணைய குரூப் 1 தேர்வு எழுதுவதற்கு தடையில்லாச் சான்றிதழ் வழங்கக் கோரிய திருநங்கையின் மனுவுக்கு வணிக வரித் துறை செயலர் பதிலளிக்க சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, ஏப். 30:

மதுரையைச் சேர்ந்த எஸ். ஸ்வப்னா சென்னை உயர்நீதிமன்ற மதுரை அமர்வில் தாக்கல் செய்த மனு: திருநங்கையான நான் பல்வேறு இடர்பாடுகளுக்கிடையே பி.ஏ. படித்து இளநிலைப் பட்டம் பெற்றேன். கடந்த 2019-ஆம் ஆண்டு நடைபெற்ற குரூப் 1 தேர்வில் தேர்ச்சி பெற்று, தமிழ் வழி படிப்புச் சான்றிதழ் பெற்றதால், வணிக வரித் துறையில் உதவி ஆணையராகப் பதவி ஏற்றேன்.