நீதிபதி பதவிநீக்க விவகாரம்: விசாரணைக் குழுவின் காலஅவகாசம் நீட்டிப்பு

நீதிபதி யஷ்வந்த் வர்மா பதவி நீக்க நடைமுறை தொடர்பாக விசாரணை நடத்தி வரும் உச்சநீதிமன்ற மற்றும் உயர்நீதிமன்ற நீதிபதிகளைக்கொண்ட மூவர் குழுவின் கால அவகாசம் மேலும் 3 மாதங்களுக்கு நீட்டிக்கப்படுவதாக மக்களவைச் செயலகம் வியாழக்கிழமை தெரிவித்தது.

- 

மேலும், குழு உறுப்பினர் ஒருவர் மாற்றப்பட்டிருப்பதாகவும் அதில் தெரிவிக்கப்பட்டது.

தில்லி உயர்நீதிமன்ற நீதிபதியாக யஷ்வந்த் வர்மா பதவி வகித்தபோது, அவருடைய அரசு இல்லத்தில் கடந்த ஆண்டு மார்ச் 14-ஆம் தேதி தீ விபத்து ஏற்பட்டது. அப்போது, அங்குள்ள அறையில் பாதி எரிந்த மூட்டைகளில் கட்டுக்கட்டாகப் பணம் இருந்தது கண்டறியப்பட்டது.

இந்த விவகாரம் குறித்து துறை ரீதியாக விசாரணை மேற்கொண்ட உச்சநீதிமன்றம், யஷ்வந்த் வர்மாவை பதவி நீக்கம் செய்யுமாறு, குடியரசுத் தலைவர் திரௌபதி முர்மு, பிரதமர் மோடி ஆகியோருக்குப் பரிந்துரைத்தது.