விஜய் வியூகம் வெற்றி பெறுமா...?

தமிழ்நாட்டில் திரையுலக அரசியல் களமும் ஒன்றுக்கொன்று தொடர்புடையதாக பயணித்து வருகிறது. தலைவர்களை களத்தில் தேடாமல், திரையரங்குகளில் தேடுவது நியாயமா என்ற கேள்வி எதிரொலித்தாலும், அதை தமிழ்நாட்டு மக்கள் ஏற்கவில்லை என்பது தெரிகிறது.

- நாளை சவுக்கு சங்கர், ஊடகவியலாளர்.

அரசியல் ஆர்வம், கொள்கை பிடிப்பு, மக்கள் சேவை ஆகிய எண்ணங்களுடன் எந்தத் துறையில் இருந்து யார் வந்தாலும், மக்கள் ஆதரவு இருந்தால் அவர்கள் எந்த உச்சத்தையும் பெற முடியும் என்பதை தமிழ்நாட்டு அரசியல் உணர்த்தியிருக்கிறது.

முன்னாள் முதல்வர்கள் அண்ணா, கருணாநிதி ஆகியோர் கலைத்துறையை தங்களின் அரசியல் பரப்புரைகளுக்கு நுட்பமாக பயன்படுத்தினர். எம்.ஜி.ஆர்., ஜெயலலிதா ஆகியோர் கலைத்துறையில் இருந்து வந்து அரசியலில் வெற்றி பெற்றார்கள்.

அண்ணா மற்றும் கருணாநிதியுடன் அரசியலில் பணியாற்றியவர் எம்.ஜி.ஆர். சட்டமேலவை உறுப்பினர், சட்டப்பேரவை உறுப்பினர், திமுக பொருளாளர் என படிப்படியாக முன்னேறி அதன் பின்னரே அதிமுகவை தொடங்கி ஆட்சியைப் பிடித்தார்.