நளினி சிதம்பரம் உறவினர் கொலை வழக்கு: 4 பேருக்கு விதிக்கப்பட்ட ஆயுள் தண்டனை நிறுத்திவைப்பு

முன்னாள் மத்திய அமைச்சர் ப.சிதம்பரத்தின் மனைவி நளினி சிதம்பரத்தின் உறவினர் கொலை வழக்கில் 4 பேருக்கு விதிக்கப்பட்ட ஆயுள் தண்டனையை நிறுத்தி வைத்து சென்னை உயர் நீதிமன்றம் உத்தரவிட்டது.

- 

சென்னை, ஆக. 30:

திருப்பூர் மாவட்டம், கருமாறம்பாளையத்தைச் சேர்ந்தவர் சிவமூர்த்தி. இவர் முன்னாள் மத்திய அமைச்சர் ப.சிதம்பரத்தின் மனைவி நளினி சிதம்பரத்தின் தங்கை பத்மினியின் மகன். கோவை செல்வதாகக் கூறி விட்டு, கடந்த 2018-ஆம் ஆண்டு ஜூன் 25-ஆம் தேதி வெளியே சென்ற சிவமூர்த்தி பின்னர் வீடு திரும்பவில்லை.

இதுதொடர்பாக திருப்பூர் போலீஸார் வழக்குப்பதிவு செய்து விசாரணை நடத்தினர். இதில், கோவையைச் சேர்ந்த விமல், தேக்கம்பட்டியைச் சேர்ந்த மணிகண்டன், கௌதம், மூர்த்தி ஆகிய 4 பேர் காரில் கடத்திச் சென்று கொலை செய்தது தெரிய வந்தது.