சேலம் செந்தில் பப்ளிக் பள்ளியில் மாணவர் பேரவை உறுப்பினர்கள் பதவியேற்பு

சேலம் செந்தில் பப்ளிக் பள்ளியின் 2025-26-ஆம் ஆண்டுக்கான மாணவர் பேரவை உறுப்பினர்கள் பதவியேற்பு விழா வியாழக்கிழமை நடைபெற்றது.

- 

சேலம், ஜூலை 11:

பள்ளி கலையரங்கில் நடைபெற்ற விழாவில், ஆட்சியர் ரா. பிருந்தாதேவி சிறப்பு விருந்தினராகக் கலந்துகொண்டு குத்துவிளக்கேற்றி தொடங்கிவைத்தார்.

தொடர்ந்து அவர் பேசுகையில், செந்தில் பப்ளிக் பள்ளி கல்விக்குச் சிறப்பிடம் கொடுத்து, மாணவர்களை பொறுப்புள்ள குடிமக்களாக உருவாக்குவதில் முழுமுயற்சியுடன் செயல்பட்டு வருகிறது என்றார்.

பள்ளியின் மாணவர் பேரவைத் தலைவராக பிளஸ் 2 வகுப்பைச் சேர்ந்த எஸ். குருசரண், பேரவைத் தலைவியாக சவி ஜெயின் ஆகியோர் பொறுப்பேற்றுக் கொண்டனர்.