இளம் வழக்குரைஞர்களை மூத்த வழக்குரைஞர்கள் வழிநடத்த வேண்டும்

உயர்நீதிமன்ற நீதிபதி கோவிந்தராஜன் திலகவதி

- 

சேலம், ஜூலை 6: இளம் வழக்குரைஞர்களை மூத்த வழக்குரைஞர்கள் வழிநடத்துவது அவசியம் என சென்னை உயர்நீதிமன்ற நீதிபதி கோவிந்தராஜன் திலகவதி தெரிவித்தார்.

சேலம் மாவட்ட குற்றவியல் வழக்குரைஞர்கள் சங்கத்தின் 50 ஆவது ஆண்டு பொன்விழா ஞாயிற்றுக்கிழமை நடைபெற்றது. நிகழ்ச்சியில், சிறப்பு விருந்தினர்களாக சுற்றுலாத்துறை அமைச்சர் ரா.ராஜேந்திரன், உயர்நீதிமன்ற நீதிபதிகள் கோவிந்தராஜன் திலகவதி, ரமேஷ், ஓய்வுபெற்ற நீதிபதிகள் ஜெகதீசன், ராஜன் ஆகியோர் கலந்துகொண்டனர்.

விழாவில், மாவட்ட குற்றவியல் வழக்குரைஞர்கள் சங்கத்தின் பொன்விழா மலரை அமைச்சர் ரா.ராஜேந்திரன் வெளியிட்டார். தொடர்ந்து, மூத்த வழக்குரைஞர்களின் புகைப்படங்களை நீதிபதிகள் திறந்துவைத்தனர்.