வாழப்பாடி அருகே விவசாயி கொலை: சகோதரியின் கணவர், நண்பர் கைது

சேலம் மாவட்டம், வாழப்பாடி அருகே 4 மாதங்களுக்கு முன்பு மாயமான விவசாயியை அவரது சகோதரியின் கணவர், தனது நண்பருடன் சேர்ந்து கொலை செய்தது தெரியவந்தது.

- 

வாழப்பாடி, ஜூலை 1: இதுதொடர்பாக இருவரையும் போலீஸார் செவ்வாய்க்கிழமை கைது செய்தனர்.

வாழப்பாடியை அடுத்த அத்தனூர்பட்டிபுதூர் கிராமத்தைச் சேர்ந்தவர் விவசாயி முனியன் (46). இவருக்கு செல்வி (37) என்ற மனைவியும், இரு மகன்களும் உள்ளனர்.

இவர், கடந்த பிப்ரவரி 15-ஆம் தேதி இருசக்கர வாகனத்தில் வெளியே சென்றவர் வீடு திரும்பவில்லை. இதையடுத்து, அவரது மனைவி செல்வி வாழப்பாடி காவல் நிலையத்தில் புகார் அளித்தார். இந்தப் புகாரின்பேரில் போலீஸார் வழக்குப் பதிவு செய்து விசாரணை மேற்கொண்டு வந்தனர்.