கோயில் காவலாளி உயிரிழந்த விவகாரம்: மடப்புரத்தில் நீதித் துறை நடுவர் விசாரணை

சிவகங்கை மாவட்டம், திருப்புவனம் அருகே, விசாரணைக்கு அழைத்துச் செல்லப்பட்ட மடப்புரம் காளி கோயில் காவலாளி அஜித்குமார் காவல் துறையினர் தாக்கியதில் உயிரிழந்ததாகக் கூறப்படுவது தொடர்பாக திருப்புவனம் நீதித் துறை நடுவர் வெங்கடேஷ் பிரசாத் திங்கள்கிழமை சம்பவ இடத்துக்குச் சென்று விசாரணை நடத்தினார்.

- 

மானாமதுரை, ஜூன் 30:

பெண் பக்தரின் நகைகள் மாயமானது தொடர்பாக, மடப்புரம் கோயில் காவலாளி அஜித்குமாரை (29) கடந்த சனிக்கிழமை திருப்புவனம் தனிப்படை போலீஸார் அழைத்துச் சென்று விசாரித்தனர். அப்போது, காவல் துறையினர் தாக்கியதால் அஜித்குமார் உயிரிழந்ததாக புகார் தெரிவிக்கப்பட்டது. இதுதொடர்பாக தனிப்படை போலீஸார் 6 பேர் பணியிடை நீக்கம் செய்யப்பட்டனர்.