போர் நிறுத்த திட்டத்தில் மாற்றம்: ஹமாஸ் வலியுறுத்தல்

அமெரிக்கா ஏற்க மறுப்பு

- 

டெல் அவிவ், ஜூன் 1: காஸாவில் போரை நிறுத்த அமெரிக்கா முன்வைத்த செயல்திட்டத்தில் மாற்றங்களை மேற்கொள்ளுமாறு ஹமாஸ் அமைப்பு வலியுறுத்தியுள்ளது. ஆனால், அதை ஏற்க அமெரிக்கா மறுத்துள்ளது.

பாலஸ்தீனத்தின் காஸா பகுதியில் 60 நாள்களுக்கு போர் நிறுத்தம் மேற்கொள்வதற்கான செயல்திட்டத்தை அதிபர் டொனால்ட் டிரம்ப்பின் சிறப்புத் தூதர் ஸ்டீவ் விட்காஃப் இஸ்ரேலிடம் அளித்தார். இஸ்ரேல் அரசு அதை ஏற்பதாக அறிவித்துள்ளது.

அந்தத் திட்டத்தில், இரு தரப்பினரும் சண்டையை 60 நாள்களுக்கு முழுமையாக நிறுத்தி வைத்தல், தங்களிடம் பிணைக் கைதிகளாக உள்ள 10 பேரை ஹமாஸ் அமைப்பு இரண்டு கட்டங்களாக விடுவித்தல், உயிரிழந்த 18 பிணைக் கைதிகளின் சடலங்களை ஒப்படைத்தல், இஸ்ரேல் சிறைகளில் உள்ள 1,000-க்கும் மேற்பட்ட பாலஸ்தீன கைதிகளை விடுவித்தல் உள்ளிட்ட அம்சங்கள் இடம் பெற்றுள்ளன.