மருத்துவமனையில் சிகிச்சை பெறும் அதிமுக மாமன்ற உறுப்பினர்களிடம் எம்எல்ஏக்கள் நலன்விசாரிப்பு

சேலம் மாநகராட்சி கூட்டத்தில் திமுக பெண் உறுப்பினர்களால் தாக்கப்பட்ட அதிமுக குழுத் தலைவர் யாதவமூர்த்தி மற்றும் உறுப்பினர் சசிகலா ஆகியோரை சேலம் அரசு மருத்துவமனையில் அதிமுக சட்டப் பேரவை உறுப்பினர்கள் வெள்ளிக்கிழமை நேரில் சந்தித்து நலன்விசாரித்தனர்.

- 

சேலம், மே 30:

சேலம் மாநகராட்சி கூட்டத்தில் ஒப்பந்த முறைகேடு குறித்து கேள்வி எழுப்பிய அதிமுக குழுத் தலைவர் யாதவமூர்த்தி மீது திமுக பெண் உறுப்பினர்கள் தாக்குதல் நடத்தினர். தடுக்க வந்த 25-ஆவது வார்டு அதிமுக உறுப்பினர் சசிகலாவையும் தாக்கினர். இதன் காரணமாக, இருவரும் சேலம் அரசு மருத்துவமனையில் அனுமதிக்கப்பட்டனர்.