பள்ளி வாகனங்கள் பராமரிப்பு: ஆட்சியர் ஆய்வு

பள்ளி வாகனங்களை இயக்கும்போது, வழிகாட்டு நெறிமுறைகளை முழுமையாக பின்பற்ற வேண்டும் என ஆட்சியர் ரா.பிருந்தாதேவி உத்தரவிட்டுள்ளார்.

- 

சேலம், மே 10:

தனியார் பள்ளி பேருந்துகளுக்கான வருடாந்திர சிறப்பு ஆய்வு முகாம், சேலம் திருவாகவுண்டனூர் ஜவகர் மில் திடலில் சனிக்கிழமை நடைபெற்றது. இதில் பள்ளி வாகனங்கள் முறையாக பராமரிக்கப்படுகிறதா என ஆட்சியர் ஆய்வு மேற்கொண்டு தெரிவித்ததாவது:

தனியார் பள்ளிகள் சார்பில் இயக்கப்படும் பேருந்துகளை போக்குவரத்துத் துறை, காவல் துறை, பள்ளிக்கல்வித் துறை சார்பில் ஆண்டுதோறும் கூட்டாய்வு செய்து இயக்குவதற்கு தகுதியான வாகனங்கள் என சான்றிளிக்கப்பட்ட வாகனங்கள் மட்டுமே பள்ளிக் குழந்தைகளை ஏற்றிச்செல்ல அனுமதிக்கப்படுகிறது.