கைலாஷ்-மானசரோவர் யாத்திரை: வலைதளத்தில் விண்ணப்பிக்கலாம்

கைலாஷ்-மானசரோவர் யாத்திரை 5 ஆண்டுகள் இடைவெளிக்குப் பின் வரும் ஜூன் மாதம் தொடங்கவுள்ளது. இதில் பங்கேற்க வலைதளம் வாயிலாக விண்ணப்பிக்கலாம் என்று வெளியுறவு அமைச்சகம் தெரிவித்துள்ளது.

- 

புது தில்லி, ஏப். 26:

கைலாஷ்-மானசரோவர் யாத்திரை மீண்டும் தொடங்கப்படுவது, இந்தியா-சீனா இடையிலான உறவை மேம்படுத்தும் முயற்சிகளின் ஒரு பகுதியாக பார்க்கப்படுகிறது.

கடந்த 2020-இல் கரோனா பெருந்தொற்று காரணமாக நிறுத்தப்பட்ட இந்த யாத்திரை, பின்னர் எல்லையில் ஏற்பட்ட பதற்றமான சூழலால் மீண்டும் தொடங்கப்படாமல் இருந்தது.

கிழக்கு லடாக்கில் அதே ஆண்டு இந்திய-சீன படையினர் இடையே ஏற்பட்ட மோதல் சம்பவத்துக்குப் பிறகு எல்லையில் இருதரப்பும் படைகளைக் குவித்தன.