இந்திய மகளிர் அணியை வென்ற ஒலிம்பிக் சாம்பியன் நெதர்லாந்து

சர்வதேச ஹாக்கி சம்மேளனத்தின் புரோ லீக் போட்டியில், இந்திய மகளிர் அணி 2-4 கோல் கணக்கில், நடப்பு ஒலிம்பிக் சாம்பியனான நெதர்லாந்து மகளிர் அணியிடம் திங்கள்கிழமை தோற்றது.

- 

புவனேசுவரம், பிப். 24:

இந்த ஆட்டத்தில் இந்தியாவுக்கு 13 பெனால்ட்டி கார்னர் வாய்ப்புகள் கிடைத்தும், அதை அணியினர் வீணடித்தனர்.

முன்னதாக இந்த ஆட்டத்தின் 7-ஆவது நிமிஷத்தில் நெதர்லாந்து கோல் கணக்கை தொடங்கியது. அந்த அணிக்காக எம்மா ரெய்னென் ஸ்கோர் செய்தார். தொடர்ந்து, 18-ஆவது நிமிஷத்தில் இந்தியாவுக்காக உதிதா, பெனால்ட்டி கார்னர் வாய்ப்பில் கோலடிக்க, ஆட்டத்தின் முதல் பாதி சமனாகவே நிறைவடைந்தது.

2-ஆவது பாதி தொடங்கிய சில நிமிஷங்களிலேயே ஆல்பர்ஸ் பெலிஸ் கோலடிக்க (34) நெதர்லாந்து 2-1 என முன்னிலை பெற்றது. அடுத்த அதிர்ச்சியாக அந்த அணியின் வான் டெர் எல்ஸ்ட் 40-ஆவது நிமிஷத்தில் ஸ்கோர் செய்ய, நெதர்லாந்து 3-1 என முன்னேறியது.