வரைவு வாக்காளர் பட்டியலில் பெரிய அளவில் தவறுகள்

மம்தா குற்றச்சாட்டு

- 

மேற்கு வங்கத்தில் வாக்காளர் பட்டியல் சிறப்பு தீவிர திருத்தத்துக்குப் பிறகு வெளியிடப்பட்ட வரைவு வாக்காளர் பட்டியலில் பெரிய அளவில் தவறுகள் நடைபெற்றுள்ளன; தேர்தல் ஆணையம் பாஜக உத்தரவுப்படி செயல்படுகிறது என்று அந்த மாநில முதல்வர் மம்தா பானர்ஜி குற்றஞ்சாட்டினார்.

மேற்குவங்க மாநிலத்தில் சிறப்பு தீவிர திருத்த (எஸ்ஐஆர்) பணிக்குப் பிறகு கடந்த வாரம் வரைவு வாக்காளர் பட்டியல் வெளியிடப்பட்டது. இதில், சுமார் 58 லட்சத்துக்கும் மேற்பட்ட வாக்காளர்களின் பெயர்கள் நீக்கப்பட்டன. மொத்த வாக்காளர்களின் எண்ணிக்கை முன்பு இருந்த 7.66 கோடியிலிருந்து தற்போது 7.08 கோடியாக குறைந்துள்ளது.