திருப்பரங்குன்றம் தீப விவகார மேல்முறையீடு: இறுதி வாதங்களை இன்று முன்வைக்க உத்தரவு

மதுரை, டிச. 15: திருப்பரங்குன்றம் மலை உச்சியில் தீபம் ஏற்றும் விவகாரத்தில் காவல் துறை, வக்ஃப் வாரியம் தரப்பு வாதங்களை செவ்வாய்க்கிழமை (டிச.

- 

16) முன் வைக்க சென்னை உயர்நீதிமன்ற மதுரை அமர்வு உத்தரவிட்டது.திருப்பரங்குன்றம் மலை உச்சியில் உள்ள தூணில் கார்த்திகை தீபம் ஏற்ற உத்தரவிடக் கோரி, மதுரை எழுமலையைச் சேர்ந்த ராம. ரவிக்குமார் சென்னை உயர்நீதிமன்ற மதுரை அமர்வில் வழக்கு தொடுத்தார்.

இந்த வழக்கை விசாரித்த உயர்நீதிமன்ற நீதிபதி ஜி.ஆர். சுவாமிநாதன், திருப்பரங்குன்றத்தில் வழக்கமாக தீபம் ஏற்றப்படும் இடங்களிலும், மலை உச்சியில் உள்ள தீபத் தூணிலும் கார்த்திகை தீபம் ஏற்ற உத்தரவிட்டார். ஆனால், இந்த உத்தரவை அரசு நிறைவேற்றவில்லை.

மேலும், தனி நீதிபதியின் இந்த உத்தரவுகளுக்கு எதிராக கோயில் நிர்வாகம், மாவட்ட நிர்வாகம் சார்பில் தாக்கல் செய்யப்பட்ட மேல்முறையீட்டு மனுக்கள் மற்றும் இடையீட்டு மனுக்கள் மீதான விசாரணை உயர்நீதிமன்ற மதுரை அமர்வு நீதிபதிகள் ஜி. ஜெயச்சந்திரன், கே. கே. ராமகிருஷ்ணன் அமர்வு முன் திங்கள்கிழமை மீண்டும் விசாரணைக்கு வந்தது.

அப்போது அரசு, கோயில் நிர்வாகம் தரப்பில் முன்னிலையான வழக்குரைஞர்கள் முன்வைத்த வாதம்: பல ஆண்டுகளாகப் பின்பற்றி வந்த நடைமுறையை மாற்ற தனிநபர் கோரியுள்ளார். மலை மீது விளக்கேற்றுவது வேறு, வீட்டில் விளக்கேற்றுவது வேறு. மனுதாரர் கார்த்திகை தீபத்தை வீட்டு தீபம் போல எண்ணுகிறார்.

கோயில் நிர்வாகத்தில் உயர்நீதிமன்றங்கள் நேரடியாகத் தலையிட முடியாது என உச்சநீதிமன்றம் கடந்த 2021ஆம் ஆண்டு கூறியுள்ளது. இந்த விவகாரம் தொடர்பாக உரிமையியல் நீதிமன்றத்தில்தான் வழக்கு தாக்கல் செய்து தீர்வு பெற முடியும்.