ஆதிதிராவிடர் நலனில் அதிக அக்கறை

ஆதிதிராவிடர் மற்றும் பழங்குடியினர் நலனில் புதுச்சேரி அரசு மிகுந்த அக்கறை கொண்டுள்ளது.

- 

இந்தத் துறையானது, 24 நலத் திட்டங்களைச் செயல்படுத்தி வருகிறது. இதில் 12 நலத் திட்டங்கள் புதுச்சேரி யூனியன் பிரதேச ஆதிதிராவிட மற்றும் பழங்குடியின மக்களின் வளர்ச்சி, சமூக மற்றும் பொருளாதார மேம்பாட்டிற்காகவும், 12 நலத் திட்டங்கள் ஆதிதிராவிட மற்றும் பழங்குடியின மாணவர்களின் கல்வித் தரத்தை உயர்த்துவதற்காகவும் செயல்படுத்தப்படுகின்றன.

ஆதிதிராவிடர்களுக்குப் பிரதமரின் அனைவருக்கும் வீடு கட்டும் திட்டத்தின் கீழ் ரூ.5.5 லட்சமாக வழங்கப்பட்டு வந்த மானியம் நிகழாண்டு முதல் ரூ.6.25 லட்சமாக உயர்த்தி வழங்கப்படுகிறது. இதை ரூ.7 லட்சமாக உயர்த்தி வழங்க நடவடிக்கை எடுக்கப்பட்டு வருகிறது.

ஆதிதிராவிட மற்றும் பழங்குடியின மக்களுக்கு பொங்கல் மற்றும் தீபாவளி பண்டிகையின்போது வழங்கப்படும் இலவச வேட்டி சேலைக்கான தொகை ரூ. 1,000 அவரவர் வங்கிக் கணக்கில் நேரடியாக செலுத்தப்பட்டு வருகிறது.

கலப்புத் திருமண ஊக்குவிப்பு தொகையாக ரூ.3 லட்சம் வழங்கப்படுகிறது.