விருதுநகர் மாவட்டத்தில் சுதந்திர தின விழா கொண்டாட்டம்

விருதுநகர் மாவட்டத்தில் நீதிமன்றம், பள்ளி, கல்லூரி, நகராட்சி, ஊராட்சி ஒன்றியங்களில் 79-ஆவது சுதந்திர தின விழா வெள்ளிக்கிழமை கொண்டாடப்பட்டது.

- 

ஸ்ரீவில்லிபுத்தூர், சிவகாசி, சாத்தூர், ராஜபாளையம், ஆக. 15:

ஸ்ரீவில்லிபுத்தூரில் உள்ள மாவட்ட ஒருங்கிணைந்த நீதிமன்ற வளாகத்தில் மாவட்ட முதன்மை அமர்வு நீதிபதி ஜெயக்குமார் தேசியக் கொடியேற்றி இனிப்பு வழங்கினார். விழாவில் நீதிபதிகள், வழக்குரைஞர்கள், நீதிமன்ற ஊழியர்கள் உள்பட பலர் கலந்து கொண்டனர்.

ஸ்ரீவில்லிபுத்தூர் அருகே மல்லி ஸ்ரீ சுந்தரேஸ்வரி கல்வியியல் கல்லூரியில் கல்லூரிச் செயலர் திலீபன்ராஜா தேசியக் கொடியேற்றி மரியாதை செலுத்தினார்.

ஸ்ரீவில்லிபுத்தூர் அருகே வி.பி.எம்.கல்லூரியில் நடைபெற்ற சுதந்திர தின விழாவில் கல்லூரித் தாளாளர் பழனிச்செல்வி சங்கர், நிறுவனத் தலைவர் வி.பி.எம். சங்கர் ஆகியோர் தேசியக் கொடியேற்றி மரியாதை செலுத்தினர்.

ஸ்ரீவில்லிபுத்தூர் அருகேயுள்ள கிருஷ்ணன் கோவில் கலசலிங்கம் பல்கலைக்கழகத்தில் நடைபெற்ற சுதந்திர தின விழாவில் வேந்தர் தே.ஸ்ரீதரன் தேசியக் கொடியேற்றி மரியாதை செலுத்தினார்.

ஸ்ரீவில்லிபுத்தூர் இந்து மெட்ரிக் மேல்நிலைப் பள்ளியில் ஒருங்கிணைப்பாளர் பொன்னியின் செல்வன், முதல்வர் செம்பருதி ஆகியோர் தேசியக் கொடி ஏற்றினர்.