மொழி பயங்கரவாதம்': பாஜக மீது மம்தா கடும் விமர்சனம்

'வங்க மக்கள் மீது மொழி ரீதியிலான பயங்கரவாதத்தை கட்டவிழ்த்துவிட்டுள்ளது பாஜக' என்று மேற்கு வங்க மாநில முதல்வரும் திரிணமூல் காங்கிரஸ் தலைவருமான மம்தா பானர்ஜி கடுமையாக சாடினார்.

- 

கொல்கத்தா, ஜூலை 21:

வங்க மக்கள்-மொழி மீதான தாக்குதலுக்கு எதிராக ஜூலை 27-ஆம் தேதி போராட்ட இயக்கம் தொடங்கப்படும் என்றும் அவர் அறிவித்தார்.

மேற்கு வங்கத்தில் அடுத்த ஆண்டு பேரவைத் தேர்தல் நடைபெறவிருக்கும் நிலையில், மாநில அடையாளம்-மொழிரீதியிலான அரசியலை மம்தா பானர்ஜி கையிலெடுத்துள்ளார். பாஜக ஆளும் மாநிலங்களில், வங்கதேசத்தினர் என்ற சந்தேகத்தில் மேற்கு வங்க தொழிலாளர்கள் துன்புறுத்தப்படுவதாக அவர் தொடர்ந்து குற்றஞ்சாட்டி வருகிறார்.