தில்லியில் தொடரும் விமானங்களின் தாமதம்

தில்லி விமான நிலையத்தின் மூன்று முனையங்களிலும் விமானங்களின் புறப்பாடு மற்றும் வருகை சேவைகளில் ஏற்படும் தாமதம் தொடர்பாக விமான போக்குவரத்துத் துறை அதிகாரிகளிடம் நாடாளுமன்ற நிலைக் குழு உறுப்பினர்கள் அதிருப்தி தெரிவித்தனர்.

- நமது சிறப்பு நிருபர்

நமது சிறப்பு நிருபர் புது தில்லி, ஏப். 18:

மத்திய சாலைப் போக்குவரத்து, சுற்றுலா மற்றும் கலாசாரத் துறை அமைச்சகத்துக்கான நாடாளுமன்ற நிலைக் குழு கூட்டம் ஐக்கிய ஜனதா தள எம்.பி. சஞ்சய் ஜா தலைமையில் தில்லியில் வியாழக்கிழமை நடைபெற்றது.

'இந்திய விமான நிலைய ஆணையத்தின் செயல்பாட்டுத் திறன் மற்றும் சேவைத் தரத்தின் விரிவான மதிப்பீடு' என்ற தலைப்பில் நடைபெற்ற நிலைக் குழுக் கூட்டத்தில் விமான போக்குவரத்துத் துறை செயலர் மற்றும் அத்துறை உயரதிகாரிகள் விசாரணைக்காக அழைக்கப்பட்டிருந்தனர்.

தில்லியில் ஜிஎம்ஆர் குழும தலைமையிலான கூட்டமைப்பான தில்லி சர்வதேச விமான நிலைய நிறுவனம் (டிஐஏஎல்) தினமும் 1,2,3 முனையங்கள் மூலமாக சுமார் 1,300 விமான இயக்கங்களின் சேவையைக் கையாளுகிறது.