இரட்டை இலக்கத்தில் பொருளாதார வளர்ச்சி

முதல்வர் - நிதி அமைச்சர் பெருமிதம்

- 

சென்னை, ஆக. 6: தமிழ்நாட்டின் பொருளாதார வளர்ச்சி இரட்டை இலக்கத்தைத் தொட்டு இருப்பதற்கு முதல்வர் மு.க.ஸ்டாலின், நிதி அமைச்சர் தங்கம் தென்னரசு ஆகியோர் பெருமிதம் தெரிவித்தனர்.

சென்னை நந்தம்பாக்கத்தில் புதன்கிழமை நடைபெற்ற நகராட்சி நிர்வாகம் மற்றும் குடிநீர் வழங்கல் துறை நிகழ்ச்சியில், பொருளாதார வளர்ச்சி அதிகரித்திருப்பதைக் காட்டும் புள்ளிவிவரங்களுடன் முதல்வர் மு.க.ஸ்டாலின் பேசியதாவது:

திராவிட மாடல் ஆட்சியில் பொருளாதார வளர்ச்சி 11.19 சதவீதமாக அதிகரித்திருக்கிறது. அதாவது, மாநிலத்தின் பொருளாதார வளர்ச்சி, பெரும் உச்சத்தைத் தொட்டிருக்கிறது. 14 ஆண்டுகளுக்குப் பிறகு மீண்டும் திமுக ஆட்சியில்தான், இரட்டை இலக்க வளர்ச்சியை எட்டியிருக்கிறோம். இது, மத்திய அரசின் புள்ளியியல் மற்றும் திட்ட அமலாக்க அமைச்சகத்தின் திருத்தப்பட்ட மதிப்பீடுகள் மூலம் தெரியவந்துள்ளது.