சசி தரூரிடம் விசாரணை நடத்துவதற்கான தடை நீட்டிப்பு

சிவலிங்கத்தின் மீது அமர்ந்திருக்கும் தேள்' என பிரதமர் நரேந்திர மோடியை விமர்சித்ததாக கூறப்படும் குற்றச்சாட்டில் காங்கிரஸ் எம்.பி.சசி தரூருக்கு எதிராக நீதிமன்றத்தில் அவதூறு வழக்கு விசாரணை நடத்துவதற்கான தடையை உச்சநீதிமன்றம் வெள்ளிக்கிழமை நீட்டித்தது.

- 

புது தில்லி, ஆக.2: 'சிவலிங்கத்தின் மீது அமர்ந்திருக்கும் தேள்' என பிரதமர் நரேந்திர மோடியை விமர்சித்ததாக கூறப்படும் குற்றச்சாட்டில் காங்கிரஸ் எம்.பி.சசி தரூருக்கு எதிராக நீதிமன்றத்தில் அவதூறு வழக்கு விசாரணை நடத்துவதற்கான தடையை உச்சநீதிமன்றம் வெள்ளிக்கிழமை நீட்டித்தது.

சசி தரூர் தரப்பில் ஆஜரான வழக்குரைஞரின் வேண்டுகோளை ஏற்று வழக்கை செப்.15-ஆம் தேதிக்கு ஒத்திவைத்த பின்னர் உச்சநீதிமன்றம் இந்த உத்தரவை பிறப்பித்தது.

பிரதமர் மோடியை ஆர்எஸ்எஸ் அமைப்பைச் சேர்ந்த நிர்வாகி ஒருவர் சிவலிங்கத்தின் மீது அமர்ந்திருக்கும் தேளோடு ஒப்பிட்டதாக கடந்த 2018, அக்டோபரில் சசி தரூர் கூறியதாக குற்றச்சாட்டு எழுந்தது.