இங்கிலாந்தை வீழ்த்தும் கட்டாயத்தில் இந்தியா

இந்தியா - இங்கிலாந்து மோதும் டெஸ்ட் கிரிக்கெட் தொடரின் 4-ஆவது ஆட்டம், மான்செஸ்டரில் புதன்கிழமை தொடங்குகிறது.

- 

மான்செஸ்டர், ஜூலை 22: மொத்தம் 5 ஆட்டங்கள் கொண்ட தொடரில் தற்போது இங்கிலாந்து 2-1 என முன்னிலையில் இருப்பதால், தொடரைத் தக்கவைக்க இந்த ஆட்டத்தில் வென்றே தீர வேண்டிய கட்டாயத்தில் இந்தியா இருக்கிறது. இதிலும் வென்று தொடரைக் கைப்பற்றும் முனைப்பில் இங்கிலாந்து உள்ளது.

இந்திய அணியைப் பொருத்தவரை, கடைசி இரு டெஸ்ட் ஆட்டங்களில் பொருத்தமான பிளேயிங் லெவனுடன் களம் கண்டது என்றே கூறலாம். 3 ஆல்-ரவுண்டர்கள் இருக்க, 8-ஆவது வீரர் வரை பேட்டிங் பலம் கொண்டதாக இருந்தது அணி. அதில் தாக்கத்தை ஏற்படுத்தும் விதமாக, நிதீஷ்குமார் ரெட்டி காயத்துடன் அணியிலிருந்து விலகியிருக்கிறார்.