தங்கக் கடத்தல் வழக்கு: நடிகை ரன்யா ராவுக்கு ஓராண்டு தடுப்புக் காவல்

தங்கக் கடத்தல் வழக்கில் கைது செய்யப்பட்டுள்ள நடிகை ரன்யா ராவை, அந்நியச் செலாவணி பாதுகாப்பு மற்றும் கடத்தல் நடவடிக்கைகள் தடுப்புச் சட்டத்தின் கீழ் ஓராண்டு தடுப்புக் காவலில் வைக்க உத்தரவிடப்பட்டுள்ளது.

- 

பெங்களூரு, ஜூலை 17:

துபையில் இருந்து ரூ. 12.56 கோடி மதிப்பிலான 14.2 கிலோ தங்கத்தை பெங்களூருக்கு கடத்தி வந்தபோது நடிகை ரன்யா ராவை மத்திய அரசின் வருவாய் புலனாய்வு இயக்குநரக அதிகாரிகள் கடந்த மார்ச் 3-ஆம் தேதி கைதுசெய்து சிறையில் அடைத்தனர்.

டிஜிபி பதவியில் உள்ள மூத்த ஐபிஎஸ் அதிகாரியான கே.ராமசந்திர ராவின் மகளான நடிகை ரன்யா ராவ், விமான நிலையத்தில் சோதனைகள் எதுவும் செய்யப்படாமல் வெளியே செல்ல சிறப்புச் சலுகைகள் பெற்றது தொடர்பாக விசாரணை நடந்து வருகிறது.

நடிகை ரன்யா ராவின் வீட்டில் வருவாய் புலனாய்வு இயக்குநரக அதிகாரிகள் நடத்திய சோதனையில், ரூ. 2.67 கோடி மதிப்புள்ள தங்கநகை மற்றும் ரொக்கப் பணத்தைக் கைப்பற்றினர்.