தமிழ் வளர்ச்சிக் கழகத்துக்கு ரூ.2.15 கோடி

முதல்வர் மு.க.ஸ்டாலின் வழங்கினார்

- 

சென்னை, ஜூலை 11: தமிழ் வளர்ச்சிக் கழகத்தின் பணிகள் தொய்வின்றி நடைபெறும் வகையில், ரூ.2.15 கோடிக்கான காசோலையை அதன் தலைவர் ம.இராசேந்திரனிடம் முதல்வர் மு.க.ஸ்டாலின் வழங்கினார்.

அனைத்து அறிவுத்துறைகளிலும் தமிழ் வளர்ச்சி காண வேண்டும் என்ற தலையாய நோக்கத்தோடு 1946-ஆம் ஆண்டில் சென்னை மாகாண கல்வி அமைச்சராக இருந்த தி.சு.அவினாசிலிங்கம் செட்டியாரால் தமிழ் வளர்ச்சிக் கழகம் தோற்றுவிக்கப்பட்டது. இதையடுத்து, இந்தக் கழகத்தின் உயர்ந்த குறிக்கோளாகிய கலைக்களஞ்சியத் திட்டத்தை அவர் சுதந்திர தினமான 1947 ஆகஸ்ட் 15-இல் அறிவித்தார்.